Membership drive at K.Chembu, 09/03/2022
ಕೆ. ಚೆಂಬು ಜಿಲ್ಲಾ ಪಂಚಾಯತ್ ವ್ಯಾಪ್ತಿಯ ಎಲ್ಲಾ ಬೂತ್ ಮಟ್ಟದ ಸದಸ್ಯತ್ವ ನೊಂದಣಿ ಕೈಗೊಳ್ಳಲು ದಾಖಲಾತಿಗಾರರನ್ನು ನೇಮಿಸಿ ಅವರಿಗೆ ಹೊಸ ಸದಸ್ಯರನ್ನು ಯಾವ ರೀತಿಯಲ್ಲಿ ನೋಂದಣಿ ಮಾಡಬೇಕು, ಅದರಲ್ಲಿ ಎದುರಾಗುವ ಅಡಕು-ತೊಡಕುಗಳನ್ನು ಗುರುತಿಸಿ ಹೇಗೆ ನಿವಾರಿಸಬೇಕೆನ್ನುವ ತರಬೇತಿಯನ್ನು ಕೊಡುವ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು.
ಬೂತ್ ಮಟ್ಟದಲ್ಲೇ ಪಕ್ಷಕ್ಕೆ ಹೊಸ ಸದಸ್ಯರನ್ನು ಸೇರಿಸಿಕೊಳ್ಳುವ ಈ ಅಭಿಯಾನ ಆದಷ್ಟು ಬೇಗ ಕಾರ್ಯರೂಪಕ್ಕೆ ಬಂದು ದಾಖಲಾತಿಗಾರರ ನೇಮಕದಿಂದ ಶುರುವಾಗಿ ಹೊಸ ಸದಸ್ಯರ ನೊಂದಣಿ ಯಶಸ್ವಿಗೊಳಿಸಲು ಎಲ್ಲರೂ ಶ್ರಮಿಸೋಣ ಎಂದು ಮನವಿ ಮಾಡುತ್ತೇನೆ.
ಇದರಿಂದ ಪಕ್ಷದ ಸಂಘಟನೆ ಮುಂದಿನ ದಿನಗಳಲ್ಲಿ ಮತ್ತಷ್ಟು ಸದೃಢವಾಗಲಿದೆ. ಇದಕ್ಕೆ ಎಲ್ಲಾ ಕಾರ್ಯಕರ್ತರು, ಸದಸ್ಯರು ಹಾಗೂ ಬೆಂಬಲಿಗರು ಕೈಜೋಡಿಸಬೇಕು.
#Kodagu #Virajpet #Madikeri #Chembu #KChembu
Sports meet of Kudiya community in Kakkabe , 08/03/2022
ಕಕ್ಕಬ್ಬೆ ಗ್ರಾಮದಲ್ಲಿ ಕುಡಿಯ ಸಮಾಜದ ವತಿಯಿಂದ ಆಯೋಜಿಸಿದ್ದ ಹಾಕಿ, ಥ್ರೋಬಾಲ್ ಮತ್ತು ವಾಲಿಬಾಲ್ ಪಂದ್ಯಾವಳಿಗಳ ಫೈನಲ್ಸ್ ಪಂದ್ಯಗಳನ್ನು ಉದ್ಘಾಟಿಸುವ ಸುದೈವ ನನಗೆ ಒದಗಿಬಂತು.
ಸೂಕ್ಷ್ಮ ಅಲ್ಪಸಂಖ್ಯಾತ ಸಂಖ್ಯೆಯಲ್ಲಿರುವ ಈ ಸಮಾಜ ಕೊಡುವ ಭಾಷೆ ಮತ್ತು ಸಂಸ್ಕೃತಿಯನ್ನು ಪಾಲನೆ ಮಾಡುತ್ತಾ ಅದರ ಅಂಗವಾಗಿ ಇರುವಂತಹ ಒಂದು ಸಮಾಜ. ಅವರ ಏಳಿಗೆಗಾಗಿ ಅಭಿರುದ್ಧಿಗಾಗಿ ಸದಾ ಅವರೊಂದಿಗೆ ಕೈಜೋಡಿಸಿ ಅವರೊಳಗೆ ಒಬ್ಬನಾಗಿ ಕ್ಷಮಿಸಲು ಸದಾ ಸಿದ್ಧ ಎಂಬ ಭರವಸೆ ಮತ್ತು ಆಶ್ವಾಸನೆಯನ್ನು ಈ ಸಂದರ್ಭದಲ್ಲಿ ಅವರಿಗೆ ನೀಡಿದ್ದೇನೆ.
ಸಮಾಜಕ್ಕೆ ಸಂಬಂಧಪಟ್ಟ ಹಲವಾರು ಸಮಸ್ಯೆಗಳ ಬಗ್ಗೆ ಅಹವಾಲುಗಳನ್ನು ನನ್ನ ಮುಂದೆ ಇಟ್ಟಿದ್ದರು. ಕಾನೂನಾತ್ಮಕವಾಗಿ ಎಲ್ಲೆಲ್ಲಿ ಈ ಸಮಸ್ಯೆಗಳನ್ನು ಬಗೆಹರಿಸಲು ಸಾಧ್ಯವೋ ಅಲ್ಲಿ ನಾನು ಇರುತ್ತೇನೆಂಬ ಮಾತನ್ನು ಹೇಳಿದ್ದೇನೆ.
ನನ್ನನ್ನು ಈ ಕಾರ್ಯಕ್ರಮಕ್ಕೆ ಅತಿ ಪ್ರೀತಿಯಿಂದ, ಗೌರವದಿಂದ ಬರಮಾಡಿಕೊಂಡು ಅವರ ಕುಟುಂಬದ ಒಬ್ಬ ಸದಸ್ಯನಂತೆ ನನ್ನನ್ನು ಕಂಡಂತಹ ಕ್ರೀಡಾ ಸಂಘದ ಎಲ್ಲಾ ಪದಾಧಿಕಾರಿಗಳಿಗೆ, ಪಂದ್ಯಾವಳಿಗಳನ್ನು ಆಯೋಜಿಸಿದ ಎಲ್ಲಾ ಮುಖಂಡರುಗಳಿಗೆ, ಸಮಾಜದ ಹಿರಿಯರಿಗೆ ಅಣ್ಣ-ತಮ್ಮಂದಿರಿಗೆ, ಅಕ್ಕ-ತಂಗಿಯರಿಗೆ ನನ್ನ ಧನ್ಯವಾದಗಳನ್ನು ಮತ್ತೊಮ್ಮೆ ಸಲ್ಲಿಸುತ್ತೇನೆ.
Membership drive in Bhagamandala , 07/03/2022
ಭಾಗಮಂಡಲ ಜಿಲ್ಲಾ ಪಂಚಾಯತ್ ವ್ಯಾಪ್ತಿಯಲ್ಲಿರುವ ಎಲ್ಲಾ ಬೂತ್'ಗಳಲ್ಲಿ ಸದಸ್ಯತ್ವ ಅಭಿಯಾನ ಕೈಗೊಳ್ಳುವ ಸಲುವಾಗಿ ದಾಖಲಾತಿಗಾರರನ್ನು ಗುರುತಿಸಿ ಅವರಿಗೆ ಹೊಸ ಸದಸ್ಯರನ್ನು ಯಾವ ರೀತಿಯಲ್ಲಿ ನೋಂದಣಿ ಮಾಡಬೇಕೆನ್ನುವ ತರಬೇತಿಯನ್ನು ಕೊಡುವ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಯಿತು. ಬೂತ್ ಮಟ್ಟದಲ್ಲೇ ಪಕ್ಷಕ್ಕೆ ಹೊಸ ಸದಸ್ಯರನ್ನು ಸೇರಿಸಿಕೊಳ್ಳುವ ಅಭಿಯಾನದಿಂದ ಪಕ್ಷದ ಸಂಘಟನೆ ಮುಂದಿನ ದಿನಗಳಲ್ಲಿ ಮತ್ತಷ್ಟು ಸದೃಢವಾಗಲಿದೆ. ಇದಕ್ಕೆ ಎಲ್ಲಾ ಕಾರ್ಯಕರ್ತರು, ಸದಸ್ಯರು ಹಾಗೂ ಬೆಂಬಲಿಗರು ಕೈಜೋಡಿಸಬೇಕು.
Legal Cell participates in the historic march for Mekedatu , 04/03/2022
ಐತಿಹಾಸಿಕ ಮೇಕೆದಾಟು ಪಾದಯಾತ್ರೆಯ ಕೊನೆ ದಿನ, ಅಂತಿಮ ಘಟ್ಟದಲ್ಲಿ ಸಂಗೊಳ್ಳಿ ರಾಯಣ್ಣನ ಪ್ರತಿಮೆ ಮುಂದೆ ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಕಮಿಟಿಯ ಕಾನೂನು ಘಟಕದ ವತಿಯಿಂದ, ಈ ಪಾದಯಾತ್ರೆಗೆ ಬೆಂಬಲ ಸೂಚಿಸುತ್ತ ಹಲವಾರು ವಕೀಲರು ಭಾಗವಹಿಸಿ ಪಕ್ಷದ ಈ ಹೋರಾಟದ ಜೊತೆ ಕೈಜೋಡಿಸಿದರು. ಪಕ್ಷಾತೀತವಾಗಿ ನೀರಿಗಾಗಿ ನಡೆಸಿದ ಈ ಹೋರಾಟ ಯಶಸ್ಸನ್ನು ಕಾಣಲಿ ಎಂದು ಆಶಿಸುತ್ತೇನೆ.
Honoured to inaugurate the finals of the Erava community Cricket tournament, 03/03/2022
ಎರವ ಸಮುದಾಯದ ಕೌಟುಂಬಿಕ ಕ್ರಿಕೆಟ್ ಪಂದ್ಯಾವಳಿಯ ಫೈನಲ್ಸ್ ಪಂದ್ಯವನ್ನು ಉದ್ಘಾಟಿಸಲು ಆಯೋಜಕರು ನನ್ನನ್ನು ಆಮಂತ್ರಿಸಿದ್ದರು. ಆ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದು ನನಗೆ ಸಂತಸ ತಂದಿದೆ.
ನಮ್ಮ ದೇಶದಲ್ಲಿರುವ ಎಲ್ಲಾ ಕಾಲ್ಪನಿಕ ಭೇದಭಾವಗಳು, ಜಾತಿ-ಧರ್ಮ, ಆಸ್ತಿ-ಅಂತಸ್ತಿನ ಅಂತರಗಳನ್ನು ಕೂಡ ಭೇದಿಸುವಂತಹ ಶಕ್ತಿ ಕ್ರೀಡೆಗಿದೆ. ಅದರಲ್ಲೂ ನಮ್ಮ ದೇಶದಲ್ಲಿ ಕ್ರಿಕೆಟ್ ಕ್ರೀಡೆಗೆ ಇನ್ನಷ್ಟು ಶಕ್ತಿ ಇದೆ. ಕ್ರಿಕೆಟ್ ಪಂದ್ಯವನ್ನು ವೀಕ್ಷಿಸುತ್ತಾ ಜನ ಬೆರೆಲ್ಲವನ್ನು ಮರೆತು ಭಾಗವಹಿಸುತ್ತಾರೆ.
ಮುಂದಿನ ದಿನಗಳಲ್ಲಿ ಕ್ರೀಡೆಯ ಮೂಲಕ ನಮ್ಮಲ್ಲಿರುವ ಎಲ್ಲ ಅಂತರಗಳನ್ನು ತೊಡೆದು ಹಾಕಿ, ದೇಶದ ಅಭಿವೃದ್ಧಿಗೆ ಒಂದಾಗಿ ದುಡಿಯುವಂತಹ ಸಂಧರ್ಭ ಒದಗಲಿ ಎಂದು ತಾಯಿ ಕಾವೇರಿಯಲ್ಲಿ ಪ್ರಾರ್ಥಿಸುತ್ತೇನೆ.
ಈ ಕ್ರೀಡಾಕೂಟವನ್ನು ಅಯ್ಯೊಜಿಸಿದ್ದ ಮತ್ತು ನನ್ನನು ಅತ್ಯಂತ ಪ್ರೀತಿಯಿಂದ, ಗೌರವದಿಂದ ಮತ್ತು ಆತ್ಮೀಯತೆಯಿಂದ ಬರಮಾಡಿಕೊಂಡ ಎಲ್ಲರಿಗೂ ನಾನು ಆಭಾರಿಯಾಗಿದ್ದೇನೆ ಮತ್ತು ಧನ್ಯವಾದಳನ್ನು ಸಲ್ಲಿಸುತ್ತೇನೆ.