Kabaddi tournament in Kushalnagar, 20/04/2022
ಕೊಡಗಿನ ಕುಶಾಲನಗರದಲ್ಲಿ ಸತತ ನಾಲ್ಕನೇ ವರ್ಷ ಆಯೋಜಿಸಿದ್ದ ಆಹ್ವಾನಿತ ತಂಡಗಳ ಹೊನಲು ಬೆಳಕಿನ ಮ್ಯಾಟ್ ಕಬಡ್ಡಿ ಪಂದ್ಯವಳಿಯ ಸಮಾರಂಭದಲ್ಲಿ ಭಾಗವಹಿಸುವ ಅವಕಾಶ ಒದಗಿ ಬಂತು.
ಯೂಥ್ ಫ್ರೆಂಡ್ಸ್ ಸಂಘ, ಕುಶಾಲನಗರ, ಇವರು ಬಹಳ ಅಚ್ಚುಕಟ್ಟಾಗಿ ಪಂದ್ಯಾವಳಿಯನ್ನು ಆಯೋಜಿಸಿದ್ದರು. ಭಾಗವಹಿಸಿದ ತಂಡಗಳು ಕೂಡ ವೃತ್ತಿಪರರಂತೆ ಪಂದ್ಯಗಳನ್ನು ಆಡಿದರು. ಪಂದ್ಯಗಳನ್ನು ವೀಕ್ಷಣೆ ಮಾಡಿದ್ದು ಒಂದು ಒಳ್ಳೆ ಅನುಭವವಾಯಿತು.
ಕೊಡಗು ಜಿಲ್ಲೆಯಲ್ಲಿ ಈ ರೀತಿಯ ಪಂದ್ಯಾವಳಿಗಳಿಗೆ ಬಹಳ ಮಹತ್ವವಿದೆ. ಪಂದ್ಯಾವಳಿಯ ಆಯೋಜಕರಿಗೂ, ಭಾಗವಹಿಸಿದ ತಂಡಗಳಿಗೂ ಮತ್ತು ಪ್ರಶಸ್ತಿಗಳನ್ನು ಗೆದ್ದವರಿಗೂ ಅಭಿನಂದನೆಗಳು.
#Kodagu #Coorg #Madikeri #Virajpet #Ponnampet #Kushalnagar
Visit to Hundi's Shree Muthappa Temple, 19/04/2022
ಮಲ್ದಾರೆಯ ಹುಂಡಿ ಗ್ರಾಮದಲ್ಲಿರುವ ಶ್ರೀ ಮುತ್ತಪ್ಪ ದೇವಾಲಯ ಪುನಶ್ಚೇತನವಾಗುತ್ತಿರುವುದು ಬಹಳ ಸಂತಸದ ವಿಷಯ. ದೇವಾಲಯಕ್ಕೆ ಭೇಟಿ ಕೊಟ್ಟು ದೇವರ ಆಶೀರ್ವಾದ ಪಡೆಯುವ ಅವಕಾಶ ಒದಗಿ ಬಂತು. ಈ ಸಂದರ್ಭದಲ್ಲಿ ಅಲ್ಲಿನ ಸೇವಾ ಟ್ರಸ್ಟ್ ನ ಸದಸ್ಯರ ಜೊತೆ ಮತ್ತು ಸ್ಥಳೀಯ ಭಕ್ತಾದಿಗಳ ಜೊತೆ ದೇವಾಲಯದ ಪುನಶ್ಚೇತನದ ಕಾರ್ಯದ ಬಗ್ಗೆ ಮಾತನಾಡಿದೆ. ವೈಯಕ್ತಿಕವಾಗಿ ನಾನು ಮಾಡಬಹುದಾದ ದೇವರ ಸೇವೆಯನ್ನು ಮಾಡಿದ್ದೇನೆ. ಶ್ರೀ ಮುತ್ತಪ್ಪ ದೇವರ ಆಶೀರ್ವಾದ ಎಲ್ಲರ ಮೇಲಿರಲಿ ಎಂದು ಆಶಿಸುತ್ತೇನೆ.
#Kodagu #Coorg #Madikeri #Virajpet #Ponnampet #Maldare #Hundi
Inauguration of sports tournament organised by Vokkaliga Yuva Vedike, 19/04/2022
ದಕ್ಷಿಣ ಕೊಡಗಿನ ಒಕ್ಕಲಿಗರ ಯುವ ವೇದಿಕೆ ಆಯೋಜಿಸಿದ್ದ ಸುಗ್ಗಿ-2022 ಕಾರ್ಯಕ್ರಮದ ಭಾಗವಾಗಿ ಕ್ರೀಡಾ ಪಂದ್ಯವಳಿಯನ್ನು ಉದ್ಘಾಟಿಸುವ ಅವಕಾಶ ಮಾಡಿಕೊಟ್ಟ ವೇದಿಕೆಯ ಅಧ್ಯಕ್ಷರಾದ ವಿ.ಪಿ.ಲೋಹಿತ್ ಗೌಡ ಮತ್ತು ಪದಾಧಿಕಾರಿಗಳಿಗೆ ಧನ್ಯವಾದಗಳು.
ಈಗಿನ ಸಂಧರ್ಭದಲ್ಲಿ ಜನರ ಮನಸ್ಸನ್ನು ಬೆಸೆಯುವ ಶಕ್ತಿ ಇರುವುದು ಕ್ರೀಡೆಗೆ ಮಾತ್ರ. ಕ್ರೀಡಾಕೂಟಗಳನ್ನು ಆಯೋಜಿಸುವ ಮೂಲಕ ಈ ಕೆಲಸಕ್ಕೆ ತೊಡಗಿರುವ ವೇದಿಕೆ, ಅದರ ಪದಾಧಿಕಾರಿಗಳಿಗೆ ಅಭಿನಂದನೆ ಸಲ್ಲಿಸಿದೆ.
#Kodagu #Coorg #Ponnampet #Virajpet #Madikeri #Kushalnagar
Kodava family cricket tournament in T Shettigeri, 17/04/2022
ಟಿ ಶೆಟ್ಟಿಗೇರಿಯಲ್ಲಿ ಕೊಡವ ಕುಟುಂಬಗಳು ಭಾಗವಹಿಸಿದ ಕ್ರಿಕೆಟ್ ಪಂದ್ಯಾವಳಿಯನ್ನು ಉದ್ಘಾಟನೆ ಮಾಡುವ ಅವಕಾಶ ಒದಗಿಬಂತು. ಕೊಡಗಿನ ವಿಶಿಷ್ಟ ಪರಂಪರೆಗಳಲ್ಲಿ ಕುಟುಂಬಗಳ ಕ್ರೀಡಾ ಪಂದ್ಯಾವಳಿಗಳು ಕೂಡ ಒಂದು. ಕ್ರೀಡಾ ಮನೋಭಾವ ಮತ್ತು ಒಗ್ಗಟ್ಟು ಬೆಳಸುವುದರಲ್ಲಿ ಈ ಕ್ರೀಡಾಕೂಟಗಳು ಸಹಕಾರಿ. ಅಂತಾರಾಷ್ಟ್ರೀಯ ಕ್ರೀಡಾಪಟುಗಳಿಗೆ ಹೆಸರುವಾಸಿಯಾದ ನಮ್ಮ ಜಿಲ್ಲೆಯಲ್ಲಿ ಕ್ರೀಡೆಗಳ ಜನಪ್ರಿಯತೆಗೆ ಕೂಡ ಈ ಕುಟುಂಬ ಕ್ರೀಡಾಕೂಟಗಳ ಕೊಡುಗೆ ದೊಡ್ಡದು.
ಈ ಕಾರ್ಯಕ್ರಮಕ್ಕೆ ನನ್ನನ್ನು ಆಹ್ವಾನಿಸಿದ ಮತ್ತು ಪಂದ್ಯಾವಳಿಗಳನ್ನು ಅಚ್ಚುಕಟ್ಟಾಗಿ ನಡೆಸಿದ ಆಯೋಜಕರಿಗೆ, ಕ್ರೀಡಾಪಟುಗಳಿಗೆ ಮತ್ತು ಟಿ ಶೆಟ್ಟಿಗೇರಿಯ ಸ್ಥಳೀಯರಿಗೆ ಅಭಿನಂದನೆಗಳು ಮತ್ತು ವಂದನೆಗಳು.
#Kodagu #Coorg #Madikeri #Virajpet #Ponnampet #TShettigeri
Vishu wishes, 15/04/2022
