Meeting with representatives of forest department workers , 22/05/2022

ಕರ್ನಾಟಕ ಅರಣ್ಯ ಇಲಾಖೆಯ ದಿನಗೂಲಿ ನೌಕರರ ಸಂಘದ ಅಧ್ಯಕ್ಷರಾದ ಎ.ಎಂ. ನಾಗರಾಜ ಅವರು ನನ್ನನ್ನು ಭೇಟಿಮಾಡಿ ಇಲಾಖೆಯ ನೌಕರರ ಹಲವಾರು ಸಮಸ್ಯೆಗಳ ಬಗ್ಗೆ ಚರ್ಚೆ ಮಾಡಿದರು. ಅವರಿಗೆ ಅಗತ್ಯವಿರುವ ಕಾನೂನು ಹೋರಾಟದಲ್ಲಿ ಅವರ ಜೊತೆಯಿದ್ದು ಸಹಕರಿಸುವ ಭರವಸೆಯನ್ನು ಅವರಿಗೆ ನೀಡಿದ್ದೇನೆ. ಅರಣ್ಯ ಸಿಬ್ಬಂದಿ ಎದುರಿಸುತ್ತಿರುವ ಸಮಸ್ಯೆಗಳು, ಸಂಕಷ್ಟಗಳ ಬಗ್ಗೆ ನನಗೆ ಮನವರಿಕೆಯಾಗಿದೆ. ಅರಣ್ಯ ಸಂಪತ್ತನ್ನು ಜೋಪಾನ ಮಾಡುವ ಕಾಯಕದಲ್ಲಿ ತೊಡಗಿರುವ ದಿನಗೂಲಿ ನೌಕರರಿಗೆ ಸಾಕಷ್ಟು ಮೂಲಭೂತ ಸೌಕರ್ಯಗಳ ಅವಶ್ಯಕತೆ ಕೂಡ ಇದೆ. ಕಾನೂನಿನ ಚೌಕಟ್ಟಿನಲ್ಲಿ ಅವರಿಗೆ ಮಾಡಬಹುದಾದ ಸಹಾಯಕ್ಕೆ ನಾನು ಸದಾ ಸಿದ್ಧನಿದ್ದೇನೆ ಎಂದು ನಾಗರಾಜ ಅವರಿಗೆ ತಿಳಿಸಿದ್ದೇನೆ. #Kodagu #Coorg #Virajpet #Ponnampet #Madikeri #Kushalnagar #Forest #Jungle
 
 
img
 

Visit to Perur Sri Igguthappa temple, 20/05/2022

ಪೇರೂರು ಶ್ರೀ ಈಶ್ವರ ಇಗುತ್ತಪ್ಪ ದೇವಸ್ಥಾನದ ಅಷ್ಟಬಂದ ಬ್ರಹ್ಮ ಕಲಶೋತ್ಸವದಲ್ಲಿ ಭಾಗಿಯಾದ ಸಂದರ್ಭ. ಭಕ್ತರೊಂದಿಗೆ ದೇವರ ಆಶೀರ್ವಾದ ಪಡೆದು ದೇವರ ಪ್ರಸಾದ ಸ್ವೀಕರಿಸಿದೆ.

ಇದೇ ಸಂಧರ್ಭದಲ್ಲಿ ದೇವಸ್ಥಾನದ ಅಭಿವೃದ್ಧಿಗೆ ದೇವರ ಆಶೀರ್ವಾದದಿಂದ ನನ್ನ ಸಹಾಯ ಹಸ್ತ ನೀಡುವ ಸೌಭಾಗ್ಯ ನನ್ನದಾಯಿತು. ಇದೆಲ್ಲಾ ಇಗುತ್ತಪ್ಪ ದೇವರು ನನ್ನ ಕೈಯಲ್ಲಿ ಮಾಡಿಸಿದ್ದು ಎನ್ನುವುದು ನನ್ನ ಭಾವನೆ.

ಎಲ್ಲಾ ಜನರ ಮೇಲೆ ಇಗುತ್ತಪ್ಪ ದೇವರ ಆಶೀರ್ವಾದ ಇರಲೆಂದು ಪ್ರಾರ್ಥಿಸಿದೆ. ದಿನಾಂಕ 15 ಮೇ ದಿನ ನಡೆದ ವಿವಿಧ ಪೂಜಾ ಕಾರ್ಯಕ್ರಮಗಳು ಭಕ್ತರ ಕಣ್ಣು ತುಂಬಿದವು. ದೇವಸ್ಥಾನದ ಆಡಳಿತ ಮಂಡಳಿಗೂ, ಸ್ಥಳೀಯರಿಗೂ, ಭಕ್ತಾದಿಗಳಿಗೂ ನನ್ನ ನಮನಗಳು.

#Igguthappa #Kodagu #Coorg #Virajpet #Perur #Ponnmpet #Kushalnagar #Madikeri

 
 

Felicitation at Hudikeri village , 19/05/2022

ವಿರಾಜಪೇಟೆಯ ಹುದಿಕೇರಿ ಗ್ರಾಮಸ್ಥರು ತಮ್ಮ ಸ್ಥಳೀಯ ಕಾನೂನು ಸಮಸ್ಯೆಯನ್ನು ಕರ್ನಾಟಕ ಉಚ್ಚ ನ್ಯಾಯಾಲಯದಲ್ಲಿ ನಾನು ಪ್ರತಿನಿಧಿಸಿದಕ್ಕೆ ನನಗೆ ಸನ್ಮಾನಿಸಿದರು. ನನಗೆ ಗ್ರಾಮಸ್ಥರು ಕೊಟ್ಟ ಈ ಗೌರವಕ್ಕೆ ನಾನು ಅವರಿಗೆ ಚಿರಋಣಿ.

ಕಾನೂನಿನ ನೆರವು ಪಡೆಯುವುದರಲ್ಲಿ ಸಹಕರಿಸುವುದು ನನ್ನ ಕರ್ತವ್ಯ ಮಾತ್ರವಲ್ಲದೆ ನನ್ನ ಹೊಣೆ ಎಂದು ನಾನು ನಂಬಿದ್ದೇನೆ. ಹುದಿಕೇರಿಯ ಎಲ್ಲಾ ಗ್ರಾಮಸ್ಥರಿಗೂ, ಹಿರಿಯರಿಗೂ, ಮುಖಂಡರಿಗೂ ನಾನು ಮತ್ತೊಮ್ಮೆ ನಮಿಸುತ್ತೇನೆ. ????

#Kodagu #Coorg #Virajpet #Hudikeri #Ponnmpet #Kushalnagar #Madikeri

 
 

Inauguration of Kallubane Cricket tournament finals at Arji Panchayat , 17/05/2022

ಕಲ್ಲುಬಾಣಿ ಯೂಥ್ ಅಸೋಸಿಯೇಷನ್ ಅವರು ಆಯೋಜಿಸಿದ್ದ ಕಲ್ಲುಬಾಣಿ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಪಂದ್ಯಾವಳಿಯ ಫೈನಲ್ಸ್ ಪಂದ್ಯವನ್ನು ಉದ್ಘಾಟಿಸಿ ಪಂದ್ಯವನ್ನು ವೀಕ್ಷಿಸಿ ಕ್ರೀಡಾಪಟುಗಳನ್ನು ಉದ್ದೇಶಿಸಿ ಮಾತನಾಡುವ ಅವಕಾಶ ಒದಗಿ ಬಂತು.

ಮೂರು ದಿನಗಳ ಪಂದ್ಯಾವಳಿಗಳು ಅಚ್ಚುಕಟ್ಟಾಗಿ ಆಯೋಜಿಸಿದ್ದ ಆಯೋಜಕರಿಗೂ, ಕ್ರೀಡಾ ಮನೋಭಾವದಿಂದ ಪಂದ್ಯಗಳಲ್ಲಿ ಪಾಲ್ಗೊಂಡ ಕ್ರೀಡಾಪಟುಗಳಿಗೂ ಅಭಿನಂದನೆಗಳು.

ಕ್ರೀಡಾ ಕೌಶಲ್ಯ ಮಾತ್ರವಲ್ಲದೆ, ಸ್ನೇಹ ಮನೋಭಾವ ಮತ್ತು ಒಟ್ಟಾಗಿ ಪ್ರಗತಿ ಸಾಧಿಸುವುದನ್ನು ಕ್ರೀಡೆ ನಮಗೆ ಕಲಿಸುತ್ತದೆ. ಕಾರ್ಯಕ್ರಮಕ್ಕೆ ನನಗೆ ಆಹ್ವಾನ ಕೊಟ್ಟ ಆಯೋಜಕರಿಗೆ ಮತ್ತೊಮ್ಮೆ ಧನ್ಯವಾದಗಳು.

#Kodagu #Coorg #Virajpet #Ponnampet #Madikeri #Kushalnagar #Cricket #Sports #Kallubane

 
 

Visit to Ponnampet Jodubetti temple , 16/05/2022

ಪೊನ್ನಂಪೇಟೆಯ ಜೋಡುಬೀಟಿ ದೇವಸ್ಥಾನಕ್ಕೆ ಭೇಟಿಕೊಟ್ಟ ಪೂಜೆ ಸಲ್ಲಿಸಿ, ದೇವಸ್ಥಾನದ ಪುನಶ್ಚೇತನಕ್ಕೆ   ಮಾಡಬೇಕಾದ ಕಾರ್ಯಗಳ ಬಗ್ಗೆ ಸ್ಥಳೀಯ ಮುಖಂಡರು, ದೇವಸ್ಥಾನದ ಭಕ್ತಾದಿಗಳು ಹಾಗೂ ಪೋಷಕರೊಂದಿಗೆ ಸಮಾಲೋಚನೆ ಮಾಡಲಾಯಿತು.

ದೇವಸ್ಥಾನದ ಈಗಿನ ಪರಿಸ್ಥಿತಿ ಸಾಕಷ್ಟು ಸುಧಾರಣೆ ಆಗಬೇಕಿರುವುದು ಸ್ಪಷ್ಟ. ಅದಕ್ಕೆ ಬೇಕಾದ ಎಲ್ಲಾ ರೀತಿಯ ಬೆಂಬಲವನ್ನು ಕ್ರೂಡಿಕರಿಸಿ ದೇವಸ್ಥಾನದ ನಿರ್ಮಾಣ ಆಗಬೇಕು ಎಂಬ ನಿಲುವು ಎಲ್ಲರದು.

#Kodagu #Coorg #Virajpet #Ponnampet #Kushalnagar #Madikeri